ASTA missiya olaraq sənayedə təhlükəsizlik məsələlərinə ölkə miqyasında məlumatlılıq yaratmaq və sahənin inkişafına dəstək olmağı seçmişdir. Mərkəzin məqsədi cəmiyyətdə əməyin mühafizəsi və sağlamlığı şüurunu formalaşdırmaq üçün təbliğat və maarifləndirmə kampaniyaları aparmaq, ən yaxşı təcrübələri təbliğ etmək, bu sahədə çalışan həmkarlar üçün peşəkar inkişaf imkanlarını artırmaqdır. Assosasiyanın fəaliyyəti çərçivəsində dövlət və özəl sektor əməkdaşlığını təşviq etmək üçün müxtəlif tədbirlər, forumlar, kompaniyalar təşkil edilməsi nəzərdə tutulmuşdur. ASTA inteqrasiya edilmiş əməyin təhlükəsizliyi mədəniyyəti anlayışını və statistikasını yaratmağı və peşəkarlar tərəfindən təlimlərin, seminarların, məşğələlərin (workshop) keçirilməsini planlayır.

Sənayedə texniki təhlükəsizliyin təmin edilməsi məqsədi ilə 1928-ci ildə Bakı Elmi-Tədqiqat İnstitutu yaradılıb. Hal-hazırda institutda texniki təhlükəsizlik və əməyin mühafizəsi üzrə peşəkar mütəxəssislər çalışırlar. Onlar tərəfindən bu günədək 650-dən çox texniki normativ sənədlər hazırlanıb istifadəyə verilib. 

Texniki təhlükəsizlik tədbirlərin istehsalat sahələrində tətbiq edilməsi üçün institutda mütəmadi olaraq 58 növ təlim həyata keçirilir. Eyni zamanda, institutun bazasında praktiki məşğələlərin keçirilməsi üçün xüsusi hazırlanmış təlim-məşq poliqonu mövcuddur. Burada təlim iştirakçılarına “Hündürlükdə işlərin təhlükəsiz görülməsi”, “İlk yardımın göstərilməsi”, “Kanatla yanaşma sistemi üzrə”, “Kran operatorları”, “Lift elektromexaniki”, “Çəngəlli yükləyici operatoru”, “Qaynaqçı”, “Dəmirbəndin təhlükəsiz quraşdırılması və sökülməsi” və s. sahələr üzrə praktiki məşğələlər keçirilir.

bp şirkəti dünyanın ən tanınmış enerji təchizatçılarından biridir. bp mühüm enerji mənbələrinin təhlükəsiz şəkildə işlənməsi və hasilatı ilə məşğuldur və insanlara enerji təminatı istiqamətində müxtəlif həllər təklif edir. 2020-ci ilin fevral ayında bp öz yeni məramını, “xalis sıfır” hədəfini və məqsədlərini elan etdi və insanlar və planetimiz üçün enerji haqqında təsəvvürləri yeniləmək planları olduğunu bəyan etdi

bp şirkəti Azərbaycanda 31 ildir ki, fəaliyyət göstərir və beş böyük enerji layihəsinin operatorluğunu təhlükəsiz və etibarlı şəkildə həyata keçirir. bp Azərbaycanın enerji sənayesinin və Cənubi Xəzər regionunun aparıcı əməliyyatçısıdır. Bu vaxtadək bp öz tərəfdaşları ilə birlikdə ölkədəki layihələrə təxminən 84 milyard dollar sərmayə qoyub və on minlərlə iş yeri yaratmaqla və genişmiqyaslı sosial sərmayə fəaliyyətləri həyata keçirməklə yerli icmalara müsbət təsir göstərib. Azərbaycanda bp şirkətində 2349 nəfərə yaxın Azərbaycan vətəndaşı işləyir

bp ölkədəki neft və qaz üzrə biznesini təhlükəsiz, etibarlı və dayanıqlı şəkildə həyata keçirməklə bərabər Azərbaycanla uzunmüddətli enerji tərəfdaşlığının bir sıra digər sahələrində də əlaqələri genişləndirmək üçün yeni imkanlara baxmaqda davam edəcək.

1828-ci ildən fəaliyyət göstərən Bureau Veritas, Müayinə, Test və Sertifikatlaşdırma üzrə dünya lideridir. Bureau Veritas keyfiyyət, əməyin təhlükəsizliyi, ətraf mühitin mühafizəsi və sosial məsuliyyət sferalarında çətinliklərin öhtəsindən gəlməyə kömək etmək üçün yüksək keyfiyyətli xidmətlər təklif edir. Etibarlı tərəfdaş kimi, Bureau Veritas riski azaltmaqla, performansı artırmaqla, dayanıqlı inkişafa təşviq etməklə və standartlara uyğunluğun sertifikatlaşdırılması – təsdiqlənməsində öhdəsində olan innovativ həllər təklif edir.  

“SOCAR Downstream Management” MMC 2019-cu ildə SOCAR-ın təsisçiliyi ilə yaradılmışdır. SOCAR-ın prezidenti cənab Rövşən Nəcəf həmçinin SDM-in Müşahidə Şurasının Sədridir.
SDM-in əsas fəaliyyəti SOCAR tərkibində və tabeliyində neft-qaz emalı və neft-kimya sənayesində fəaliyyət göstərən müəssisələrin yenidən qurulması, modernizasiyası, habelə həmin müəssisələrin emal, istehsal, əməliyyat, keyfiyyətə nəzarət, əməyin təhlükəsizliyi, təmirə dayanma dövrlərinin koordinasiyası, aralarında xammal və aralıq məhsulun ötürülməsi və digər texniki, texnoloji, kommersiya və sair əlaqəli əməliyyatların səmərəli həyata keçirilməsini təmin etmək üçün işlərin idarə edilməsi, təşkili, nəzarətin gücləndirilməsi, habelə neft-qaz emalı və neft-kimya sənayesi üzrə layihələrdə idarəetmə və digər fəaliyyət növlərinin həyata keçirilməsindən ibarətdir.

2007-ci ildə təsis edilmiş "Safe Life" MMC yanğınsöndürmə avadanlıqları, yanğın və mühafizə siqnalizasiyalarının istehsalı və satışı ilə məşğuldur; su, qaz, köpük yanğınsöndürmə sistemləri; kamera nəzarəti və girişə nəzarət sistemləri; yanğından mühafizə sistemlərinin və vasitələrinin quraşdırılması; yeraltı və yerüstü dayanacaqlarda naviqasiya və ödəniş sistemlərinin quraşdırılması, texniki xidməti və təmiri; binaların avtomatlaşdırılması və elektron sistemləri, bir neçə sistemin bir əməliyyat sisteminə inteqrasiyası; ağıllı ev sistemi; yaşayış və dövlət binalarını, ticarət obyektlərini həmin avadanlıq və sistemlərlə təchiz edir. Həmçinin, "Safe Life" MMC-nin yuxarıda göstərilən fəaliyyət növləri üçün Fövqəladə Hallar Nazirliyi tərəfindən verilmiş xüsusi razılığı (lisenziyası) vardır.

GLOBAL ENERGY AZERBAIJAN LIMITED (“GEA”) aşağıda sadalan əməliyyat şirkəti vasitəsilə Azərbaycanda quruda beş pay bölgüsü sazişlərində iştirak edir: Absheron Operating Company, Binagady Oil Company, Karasu Operating Company, Neftechala Operating Company and Shirvan Operating Company. GEA tərəfindən idarə edilən on neft yataqları Abşeron yarımadasında yerləşir. Digər neft yataqları mərkəzi Azərbaycanın Kür Vadisi regionunda yerləşir.

Industrial Support and Training Services (IST Services) Əlavə Təhsil Mərkəzi bir qrup peşəkar mühəndislər, təhlükəsizlik üzrə mütəxəssislər və insan resursları menecerləri tərəfindən yaradılmış təşkilatdır. Bizim məqsədimiz neft-qaz və digər sənaye müəssisələri əməkdaşlarına yüksək səviyyəli, peşəkar təlimlərin həyata keçirilməsini təmin etməkdir.

“Gate Baku” QSC gömrük rəsmiləşdirilməsi və beynəlxalq ekspeditor xidmətləri üzrə fəaliyyət göstərir və Gömrük Brokerləri Assosiasiyalarının Beynəlxalq Federasiyasının (IFCBA), Ekspeditorlar Assosiasiyalarının Beynəlxalq Federasiyasının (FIATA) və Azərbaycan Gömrük Təmsilçiliyi və Logistika Şirkətlərinin Assosiasiyasının üzvüdür.
“Gate Baku” şirkəti 2018-ci ildə təsis edilmişdir. Komanda üzvləri iqtisadiyyatın müxtəlif sahələrində idxal-ixrac, tranzit, logistika və biznesin inkişafı üzrə 10 ildən çox təcrübəyə malikdir.
Şirkət BBGİ, HNBGİ, sərhəd keçid məntəqələrində və digər gömrük idarələrində Gömrük təmsilçiliyi, Gömrük bəyannaməsinin tərtibatı,  Sertifikat və İcazələrin alınması, Hava daşımaları, Dəniz daşımaları, Avtomobil daşımaları, Dəmir yolu daşımaları, XİF üzrə məsləhətlər kimi bir sıra xidmətləri göstərir.

"Agcurate qlobal kənd təsərrüfatındakı problemlərə həll tapmaq məqsədilə qurulmuş, peyk görüntülərini süni intellekt vasitəsilə işləyərək rəqəmsal məhsullar istehsal edən yüksək texnologiya şirkətidir. 2020-ci ildən fəaliyyət göstərən şirkət, Avropanın və dünyanın bir çox ölkəsində kənd təsərrüfatı tərəfdaşları və tədqiqat institutları ilə əməkdaşlıq edir. 

Agcurate-in yaratdığı texnologiya, kənd təsərrüfatında müqaviləli istehsalat və əvvəlcədən planlaşdırılmamış tədarük kimi mürəkkəb əməliyyatları həyata keçirən iri şirkətlərə gündəlik yenilənən informasiya vasitəsilə prosesləri izləmə imkanı verir. Sözügedən texnologiya şirkətlərin əməliyyat əlverişliliyini artırmaqla yanaşı, ətraf mühitə olan mənfi təsirlərin azaldılmasına da imkan yaradır."

(NEBOSH) sağlamlıq, əməyin təhlükəsizliyi və ətraf mühit üzrə kvalifikasiyalar təmin edən aparıcı qlobal təşkilatdır. Təşkilatın beynəlxalq səviyyədə tanınmış kvalifikasiyaları iş yerlərində bütün səviyyələrdə təhlükəsizlik və ətraf mühit üzrə mütəxəssislərin, eləcə də fərdlərin səriştəsini artırmağa kömək edir. NEBOSH kvalifikasiyaları hökumətlər, işəgötürənlər və ixtisas daşıyıcıları tərəfindən yüksək hörmətlə qarşılanır. 170-dən çox ölkədən on minlərlə insan hər il NEBOSH kvalifikasiyaları üzrə təhsil alır, 450-dən çox Öyrənmə Tərəfdaşları şəbəkəsi vardır.

“PMD Group” MMC 2013-cü ildən etibarən aktivlərin idarə olunması, daşınmaz əmlaka investisiya qoyuluşu və əmlakın idarə olunması sahəsində fəaliyyət göstərir. 1 iyul 2018-ci il tarixindən isə “PMD Projects” MMC təsis edildi və beləliklə, tikinti layihələrinin həyata keçirilməsi “PMD Projects” MMC-yə həvalə edildi və mərkəzləşdirilmiş və standartlaşdırılmış layihə idarəetməsi prosesinin qurulmasına start verildi. Hazırki dövrə qədər ümumi büdcəsi təxminən 700 milyon manatdan artıq olan 120- dən çox layihənin daxil olduğu portfeli uğurla idarə edən bir şirkət olaraq fəaliyyətimizdəki əsas hədəflər uğurlu nəticə və tam şəffaflıqdır. “PMD Projects” MMC-nin heyəti əsasən yerli və xarici şirkətlərdə böyük iş təcrübəsinə malik olan, qabaqcıl metodologiyaların tətbiqi işlərini həyata keçirmiş və beynəlxalq sertifikatlı peşəkarlardan təşkil edilmişdir.

Facemark MMC olaraq biznes tədbirlərin təşkilatçısıyıq. Təşkil etdiyimiz tədbirlərə “Maliyyə və İnvestisiya Forumu”, “Milli Marketinq Forumu”, “Rəqəmsal Marketinq Forumu”, “Milli İnsan Resursları Forumu”, “Xəzər Su İnnovasiya Forumu”, “UNEC İqtisadi Forumu”, “HR Agenda”, “Vergi və Mühasibatlıq Zirvəsi”, “İnsan Resursları Zirvəsi”, “Təhsil Menecmenti Zirvəsi”, “Səhiyyə Menecmenti Zirvəsi”daxildir. Eyni zamanda, korporativ tədbirlər, networking görüşlər və konfranslar həyata keçiririk.

"Keyfiyyət assosiasiyası" ictimai birliyi keyfiyyət və idarəetmə sahəsində yenilikçi ideyaları ilə fərqlənən intelektual, peşəkar və böyük təcrübəyə malik insanları öz ətrafında birləşdirən, ölkəmizdə istehsal olunan məhsul və göstərilən xidmətlərin keyfiyyətli və rəqabətqabiliyyətli olması üçün effektiv həll variantlarını təklif edən qeyri-hökümət təşkilatıdır.
Kaib 2007-ci il noyabrın 25-də təsis edilib. 2008-ci il oktyabrın 30-da Azərbaycan respublikası Ədliyyə Nazirliyində rəsmi qeydiyyata alınıb.
Kaib-in yaradılmasında əsas məqsəd Azərbaycanda keyfiyyət, idarəetmə, standartlaşdırma, sertifikatlaşdırma, metrologiya, akkreditasiya və uyğunluğun qiymətləndirilməsi sahələrinin inkişafına kömək etmək, ölkəmizdə istehsal olunan məhsulların və göstərilən xidmətlərin keyfiyyətli və rəqabətqabiliyyətli olması üçün maarifçilik fəaliyyətini həyata keçirməkdir. Azərbaycanın sosial-iqtisadi inkişafına yönəlik bütün təşəbbüsləri dəstəkləyən Kaib yüksək bilik, bacarıq və təşəbbüskarlığa malik kadrları ətrafında toplayaraq iqtisadiyyatımızın rəqabət gücünün artırılmasına öz fəaliyyəti ilə töhvə verməyə çalışır.

"Maricel Astara Resort" oteli 2020-ci ildən fəaliyyət göstərir. Respublikamızın cənub bölgəsində Xəzər dənizi kənarında yerləşir. Paytaxt Bakıdan 300 km məsafədə yerləşən otelin yerləşdirmə hissələri villa və otaqlardan ibarətdir.
3 hektarlıq ərazidə yerləşən istirahət kompleksinin daxilində 2 restoran, uşağ əyləncə parkı, açıq hovuz və çimərlik fəaliyyət göstərir.İstirahət mərkəzinin yay mövsümü üçün nəzərdə tutlmuş Terrace Resortoranı və qapalı camdan hazırlanmış digər bir restoranı fəaliyyət göstərir. Milli və Avropa mətbəxinin ləziz təamlarını dadmağ üçün Maricel Restoranı mükəmməl bir seçimdir.

2013-cü ildə təsis olunmuş AVFALL Solutions müştərilərinin iş ərazilərinə hər növ tullantı üçün xüsusi tullantı qablarının yerləşdirilməsi, təhlükəli və təhlükəsiz tullantıların vaxtı vaxtında təhlükəsiz daşınması, utilizasiyası və zərərsizləşdirilməsi əməliyyatlarının həyata keçirilməsindən ibarətdir. AVFALL Solutions öz şəbəkələri, əməliyyat sahələri və yüksək peşəkarlığı ilə seçilən heyəti sayəsində Tullantıların Mərkəzi Yığılması Ərazisi üzrə Əməliyyatlar, Tullantıların Daşınması və Utilizasiyası, Çən Təmizləmə Əməliyyatları, Texnika və Avadanlıqların İcarəsi sahəsində müştərilərinə xidmət göstərməkdədir. BOS Şelf, Saipem, Total, JOCAP, LV-Shipping və COMPASS İnternational kimi neft qaz və qeyri-neftsektoru nəhəngləri ilə müxtəlif layihələr çərçivəsində əməkdaşlıq edən AVFALL Solutions  fəaliyyət illəri ərzində tullantıların daşınması və çeşidlənməsi üzrə ölkənin aparıcı şirkətlərindən birinə çevrilmişdir.

2009-cu ildən fəaliyyət göstərən "Admedia" reklam agentliyi həm Azərbaycanda, həm də beynəlxalq səviyyədə 360 dərəcəli reklam fəaliyyəti ilə məşğuldur. 13 illik təcrübəyə malik olan peşəkar “Admedia” komandası müştərilərə fərdi yanaşır, onları məmnun edir.

“Adviad” – cəmi bir neçə kliklə on müxtəlif platformada eyni vaxtda reklam yerləşdirməyə imkan verən çoxkanallı reklam platformasıdır. Adviad DSP, Yerli Saytlar, Facebook, Instagram, YouTube, Twitter, LinkedIn, Yandex və s. kimi 10-dan çox reklam kanalını vahid interfeysə inteqrasiya edib ki, bu da sizə reklamları real şəkildə planlaşdırmağa, yerləşdirməyə, optimallaşdırmağa və izləməyə imkan verir. Platforma mərkəzləşdirilmiş yerdə icra, kreativ idarəetmə, hədəfləmə və hesabat vermə də daxil olmaqla əlaqələndirilmiş omnikanal kampaniyalarını idarə etmək üçün lazım olan bu imkanların tam dəstini təklif edir ki, bu da marketoloqlara gizli kanal alışını aşmağa və onların marketinqindən böyük istehlakçı təcrübələri və artan biznes nəticələrinə diqqət yetirməyə imkan verir.

 ERP tətbiqi sahəsində 15 illik təcrübəyə malik olan Arter şirkətinin peşəkar komandası müəssisədə biznes proseslərinin analizi, doğru ERP həllinin seçilməsi və tətbiqində ən etibarlı tərəfdaşdır. Komandamız ERP tətbiqi zamanı “Arterial Biznes Həllər” fəlsəfəsini rəhbər tutaraq biznesin şah damar sistemini formalaşdırır. Bu da öz növbəsində bölmələr arasında mərkəzləşmiş şəffaf məlumat axınını, biznes proseslərinin ölçüləbilən və detallı hesabatlılığa malik olmasını təmin edir.

-

Bakı Limanı Ələtdə (Bakıdan 70 km cənubda yerləşən qəsəbə), iki əsas nəqliyyat dəhlizinin - Şərq-Qərb və Şimal-Cənub dəhlizlərinin kəsişməsində yerləşir. Bura, eyni zamanda Azərbaycanın əsas dəmiryolu və magistral şəbəkələrinin birləşdiyi mərkəz kimi limanın məqsədlərinin yerinə yetirilməsinə kömək edir və regional və qlobal təchizat zəncirlərində mühüm rol oynayır. Bakı Limanı əsas intermodal paylama mərkəzi kimi fəaliyyət göstərməklə yanaşı limanın fəaliyyəti, Gömrük və Müvəqqəti saxlanc anbarları, Ələt qəsəbəsi və müxtəlif nəqliyyat və qeyri-nəqliyyat sektoru ilə bağlı layihələri özündə əks etdirən kompleks inkişaf modelindən istifadə edir.  Limanın hazırda 2 terminalı mövcuddur: Bərə terminalı (Yükaşırma qabiliyyəti ildə 6.2 milyon ton) və Əsas Yük terminalı (Yükaşırma qabiliyyəti ildə 7 milyon ton) 
Bakı Limanı ISO9001 Keyfiyyətin İdarə edilməsi Sistemi Standartı və ISO14001 Ətraf mühitin İdarə edilməsi, OHSAS 18001:2007 kimi beynəlxalq sertifikatlara əsasında fəaliyyətini davam etdirir.

10 ildən artıq reklam sahəsində fəaliyyət göstərən “Brand Media Groups” şirkəti yüzdən artıq yerli və xarici brendlərin xidmətlərinin tanıdılmasına dəstək olaraq reklam yayımını həyata keçirməkdədir. Şirkət davamlı olaraq reklam məkanlarını monitorinq edir və müştərilər üçün daha çox fayda gətirən məkanlar üzrə reklam yerlərini yeniləyir.

We are a multifaceted organization, delivering high-quality services across four major verticals: Marketing, PR, Business, and Research. Capitalist is not just a name - it’s our approach. We believe in the power of capital, both human and financial, and use it to drive results that matter to our clients.

Caspian Energy Club 2002-ci ilin iyununda Caspian Energy-nin fəal iştirakı və Xəzər-Qara dəniz və Baltik regionunda fəaliyyət göstərən nəhəng neft-qaz şirkətlərinin dəstəyi ilə yaradılıb, dünyanın 50 ölkəsindən 5000-dən çox şirkəti birləşdirən, dinamik və inkişaf edən regional təşkilatdır. 
Biznes - hökümət dialoqunun fəal iştirakçısı olan Caspian Energy Club-un əsas məqsədi Azərbaycanda və Caspian Energy Club-un fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.
Biznes-networking üçün beynəlxalq platforma olan Caspian Energy Club mütəmadi olaraq müxtəlif tədbirlər təşkil edir. Mənzil-qərargahı Bakıda yerləşən Caspian Energy Club-un Türkiyə, Gürcüstan, Özbəkistan, Qazaxıstan, Çexiya, İsrail, Almaniya, Polşa, Slovakiya, BƏƏ-də rəsmi nümayəndəlikləri, həmçinin dünyanın müxtəlif ölkələrində səlahiyyətli nümayəndələri var.

Reklam, poliqrafiya və promo sahəsini əhatə edən "Crea Time" şirkəti sizə yüksək keyfiyyət və münasib qiymətə xidmət göstərməklə yanaşı biznesinizin tanınmasında və inkişafında dəstək olacaq.

-

6 illik fəaliyyəti ərzində peşəkarlığı ilə tanınan "Fil Agency" qısa müddət ərzində böyük nailiyyətlər qazanaraq kreativlik, punktuallıq və hər brendə xüsusi yanaşması ilə hər zaman fərqlənməyi bacarır.

Marketinq sahəsində 360 dərəcə fəaliyyət göstərən agentliyin xidmətləri aşağıdakılardır:

• Rəqəmsal Marketinq
• Sosial Media Marketinq
• Marketinq Konsultasiyas
• Brendinq və məhsul dizaynı
• Tədbirlərin təşkili və PR xidməti
• SEO xidməti
• Veb sayt və mobil tətbiq
• Video çəkiliş

"Markup" agentliyi şirkətlər üçün fərqli yanaşma ilə veb və marketinq xidmətləri təklif edir.

- Veb Saytların Hazırlanması,
- Dizayn və Brendinq xidmətləri;
- SEO / SEM xidmətləri;
- Mobil Tətbiqlərin Hazırlanması;
- Rəqəmsal Marketinq;
- Sosial Medianın İdarə edilməsi;
- UX/UI Dizayn xidmətlərini həyata keçirir.

MaxGroupPlus Genclik Mall, 28 Mall, Gence Mall-da reklamlarınızın yerləşməsini təmin edir!

Əlaqə:

📱050-396-36-96

📞 055-396-36-96

2009-cu ildən etibarən fəaliyyətdə olan ilk ixtisaslaşdırılmış media satış şirkəti “New Media” müştərilərə müxtəlif məkanlarda banner və LED reklamlar, Google Ads, sosial media reklamları, rəqəmsal strategiya və vebsaytların hazırlanması xidmətlərini təklif edir.

2016-cı ildən fəaliyyət göstərən “Qmeter” şirkəti Azərbaycan və dünya bazarında müxtəlif sektorlardan olan şirkətlərə xidmət göstərməkdədir. "Qmeter" platforması ilə müştərilərdən birbaşa yerində və ya sonradan SMS, e-mail göndərməklə rəy toplamaq mümkündür.

“GBL Group” QSC gömrük rəsmiləşdirilməsi və beynəlxalq ekspeditor xidmətləri üzrə fəaliyyət göstərir və Gömrük Brokerləri Assosiasiyalarının Beynəlxalq Federasiyasının (IFCBA), Ekspeditorlar Assosiasiyalarının Beynəlxalq Federasiyasının (FIATA) və Azərbaycan Gömrük Təmsilçiliyi və Logistika Şirkətlərinin Assosiasiyasının üzvüdür.
GBL şirkəti 2018-ci ildə təsis edilmişdir. Komanda üzvləri iqtisadiyyatın müxtəlif sahələrində idxal-ixrac, tranzit, logistika və biznesin inkişafı üzrə 10 ildən çox təcrübəyə malikdir.
Şirkət BBGİ, HNBGİ, sərhəd keçid məntəqələrində və digər gömrük idarələrində Gömrük təmsilçiliyi, Gömrük bəyannaməsinin tərtibatı,  Sertifikat və İcazələrin alınması, Hava daşımaları, Dəniz daşımaları, Avtomobil daşımaları, Dəmir yolu daşımaları, XİF üzrə məsləhətlər kimi bir sıra xidmətləri göstərir.

1news.az xəbər saytı 2007-ci il martın 12-də fəaliyyətə başlayıb. Sayt iki dildə - rus və Azərbaycan dillərində ən mühüm yerli və qlobal problemlər haqqında məlumatları təqdim edir.

2 illik fəaliyyətin ardından öz brendini yeniləyən ARB TV, 19 sentyabr 2016-cı il tarixindən etibarən  yeni  ad və yeni efir konsepsiyası ilə yayımdadır. 

Sosial yönümlü verilişlər, operativ informasiya proqramları, realiti-şoular, müxtəlif mövzulu gündüz  proqramları ARB TV-nin yayım siyasətinin əsasını təşkil edir.

ARB TV-ni bütün ölkə ərazisində açıq yayımda izləmək mümkündür. Telekanal kabel televiziya operatorları vasitəsilə və peyk üzərindən də yayımlanmaqdadır.

“Baku TV” 2018-ci ildə təsis edilmiş internet televiziya kanalıdır. Dünyada və ölkədə baş verən önəmli, aktual və maraqlı xəbərləri Azərbaycan və rus dillərində cəmiyyətə çatdırır.

Kanalın əsas istiqaməti Azəbaycan və dünyanın siyasi, sosial və iqtisadi həyatındakı hadisələri operativ işıqlandırmaqdır. 
“Baku TV” izləyicilərə canlı yayımlar, xəbər süjetləri, müsahibə və araşdırmalar, analitik və müəllif proqramları təqdim edir.

2012-ci ildə yaradılan Marja biznes və maliyyə xəbərləri agentliyi hər gün marja.az domenində ən mühüm iqtisadi xəbərlər və iqtisadiyyata təsir edə biləcək hadisələr barədə məlumatlar yayımlayır. 

Operativ Media 2020-ci ilin 4 sentyabr tarixində fəaliyyətə başlamışdır. Oxucular burada dünyada və ölkəmizdə baş verən ən son hadisələrdən operativ xəbər ala bilərlər.

“Global Media Group”a daxil olan Oxu.Az xəbər saytı 2013-cü ilin iyul ayından fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı xəbərləri geniş auditoriyaya təqdim etməkdir. Oxu.Az 24 saat ərzində, Azərbaycan və rus dillərində, ölkədə və dünyada baş verən ən aktual və maraqlı hadisələr barədə operativ xəbərlər, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır.

“Report” İnformasiya Agentliyi 2014-cü ildən fəaliyyətə başlayıb. “Global Media Group” holdinqin tərkibinə daxildir. "Report" müstəqil informasiya agentliyi sayt və gündəlik bülletenlər vasitəsi ilə Azərbaycan, rus və ingilis dillərində siyasət, iqtisadiyyat, cəmiyyət, idman, mədəniyyət sahələri üzrə ölkədə və dünyada baş verən ən vacib hadisələri öz oxucularına operativ şəkildə çatdırır.

İqtisadiyyat.az saytı 2019-cü il tarixində, Azərbaycanda ixtisaslaşdırılmış iqtisadi xəbər portalı kimi fəaliyyətə başlayıb. Portal banklar, bank olmayan kredit təşkilatları, sığorta, sosium, avto, marketinq, tender, biznes, əmlak, turizm, İKT, kənd təsərrüfatı, sənaye və nəqliyyat sahələrindəki materialları yayır. İqtisadiyyat.az-ın əhatə dairəsi sosial platforması ilə daha da genişlənib və xəbərlər operativ şəkildə oxuculara çatdırılır.